Sagaing ramthen, Tamu peng tlunlam တမူး-အောင်ဇေယျ lamzin တုံးကျော် khaw kiangah February 12 ahkhan Myanmar ramsung ih cangvai theutu India Manipur hriamhrei kai sungtel 2 cu thah an si ih 3 an hlo, tiah theih a si.
A thimi pahnih hi Manipur ramkulh, Jiribam khua ih Prem timi le Kakching khawthar ih Kon Premkumar timi an si. An ruak cu motor sungah an tan, tiah.
A hlotu mi 3 lakah Tamu khawmi pakhat a tel, tiah an sim.
Mithi pahnih lakih pakhat hi a hmai ah puan ih tuam a si ruangah kaihkhih hnuih kah thatmi an si, an zum. Motor kiangkap khalah cerek ttilfuan tam zet an hmu.
Himi thu thawn pehparaw in KNA )B)-Kuki National Army (Burma) ih thuphuangtu cun annih ih kutthlak a si lo thu a rel. Atu tiang zo pawlkom ih cangvaihnak a si, timi theih a si hrih lo.
Leave a Reply