(Takkholh) Tidai na bual caan ah na ruangpi ih khuitawk zawn na ngai thupi bik?
Na taksa khuitawk zawn na faiter hmaisa bik ih satpia na hnih hmaisabik?
Na taksa na ngai thupitnak bik le na faiter duh ih satpia na hnih hmaisabiknak ihsin na mizia tampi theih a theih.
1. Hmai: Tak na kholh caan ah na hmai na phiah hmaisabik asile- Nang cu mi ih ngainep ding a ṭih in na ṭih.
Mi in ziangtin in hmu.Ziangvek minung ah in ruat timi rori na ngaihtuah ringring. Curuangah mi lakah na hoiher, na ṭong dan pawl ralring thiam zettu na si.
2. Kutke: Tak na kholh caan ah na kutke na zut hmaisabik asile- Nang cu fiafikten hringnun fimkhur zetin na hmang tinak a si.
Na tangdor zet fawn. Khatlamah na ruahnak le na lungput pawl simrel dingin na ṭhukṭhun (sup) dah lo. Duhmi le duhlomi tam zet na nei fawn.
3. Zak karlak: Tak na kholh caan ah na zak hrawng satpia in na faiter hmaisabik asile- Nang cu mi lakah rinsantlak zetmi na si.
Na ṭongkam a felfai ih na ṭong vekin na tuah taktak. Na khawsat dan hrimhrim ah mi ih upat na co. Hnaṭuan taima tak a si.
4. Zahmawh: Tak na kholh caan ah na karlak (zahmawh) kholhfai hmaisabik duhtu na si le- Nang cu zakzum zet, hruhthu zet na si.Mi ih an lo zumlo ding na phang thei tuk fawn.
Na thluak a ṭha ih thil na thiam thei zet. Mi ih fak le lom dong tam zettu khal na si. Asinan thil harsa pahtlang zuam loin na beidong ol zet ih na thazang cahnak na siar thiam dah lo.
5. Awmbawr: Tak na kholh caan ah na awmbawr na cul hmaisabik asile- Nang cu na sinak ah diriam zettu, lailanten kan rel a si ahcun midang nun cawng paih dah lotu le mai’ ke rori ih dingsuak theitu na si.
6. Sam: Tak na kholh caan ah na lu (sam) kholh hmaisabiktu na si le- Nang cu mi nunnem zet, mi thu ngaisak thei zettu le dan le dun upat thiam zettu na si. Practical uartu khal na si.
Ziangkim ah mahte dingsuak thei, caan dikten hmang, tuakto thiamnak le sumpai lam haisuak thei zettu na si.
7. Hngawng le liang: Tak na kholh caan ah na hngawng le liang rot hmaisabiktu na si le- Nang cu hnaṭuan khungkhai zet ṭuan theitu na si ih ‘ṭuan hruthro le ei hruthro’ timi thufim a takih tuahsuaktu na si.
Thinharnak khal ret ṭha thei ih felfai zetin hnaṭuan theitu, ṭongkam hnakin tuahnak thupitertu na si vekin hlawhtlinnak le mi hnakih cungcuang sinak neitu na si.
8. Zang: Tak na kholh caan ah na dung zang tifai hmaisabik duhtu na si le- Nang cu mi fimkhur thei zet, olsamten mi rinsan maimai lo na si.Oltlawng zetin thuṭhennak na tuah dah lo ih a sia a ha ruat ciamciam in thuṭhencatnak na tuah ṭheu.
Khatlamah aipuang le nuam zetin tikcucaan hman duhtu na si.
Leave a Reply