Duhphorhtu pawl rak kaitertu Tahan palik bawi an kap that

Kalaymyo Tahan palik sakhan ih sakhan hmu cu tuni June 30, sun nazi 1 hrawngah zo ti theih lo, hriamhrei keng in an kap that, tiah theih a si.

An kah thatnak hmun hi Tahan a lunnak hmun, A Group, Khampat motor cawlhnak hmun thler ah a si.

Hi palik hi Narcotics palik hotu a si ih bike datsi a thun laiah meithal in an kah thatmi a si.

Amah cu palik uniform khal hruh loin hnipuan menmen a hruh ih lukhun le mask bun in mi ih theihthiam lo dingin a tuahaw.

Asinan zo ti theih lo hriamhrei keng cun an kap that thotho.

Sun hnu nazi 2 hrawngah Agape sizung kiangkapah meithal a puak rero, tiah Tahan news cun a tarlang.

Palik kah that a si ruangah khawsung mipi pawl a kiangkap le veng ah zohman vaksuak lo dingin theihternak an nei.

An kah thatmi palik hi Tahan lamzawh laiah civil form in a vak ih duhphorhnak neitu pawl a kai vivo. Mi pahnih cu amah ih report-nak ruangah ralhrang in an rak kai dah, tiah theih a si.