Tachileik hotel ah Thailand nunau thi in an sar

Shan ramkulh saklam, Tachileik khawpi sungih Hotel pakhatih ra thlengtu Thai nunau pakhat a thi, tiah thuthang laknak cun a sim.

Shan ramkulh, Tachileik khawpi, Win Kyauk veng ih Shwe Bu Thi hotel ih ra thlengtu Thai nunau pakhat cu June 14, zan ah thi in an sar.

Shwe Bu Thi hotel room pakhatah Thai nunau pakhhat thi in an sar thu hotel tuanvoneitu pawl in an va cekfel thu theih a si.

An va cekfelnak ahcun nunau pakhat kum 35 hrawngmi cu it ziarziar in room ah a rak um ih hriamhma khal a pu lo, tiah an sim.

An hmuhsuah vivo dan ah room sungah Aircon na zet ih onmi hmuh a si ih a ruak cu Tachileik senpi sizung ah an fehpi, tiah theih a si.