Sweko doawknak ah KPDF ralkap 2 in nunliam

Kachin ramkulh ရွှေကူ peng, မင်းကျောင်းကုန်း khaw kiangah mani October 28, zinglam nazi 10 hrawngah tualsung hriamhrei kai le SAC ralhrang karlak kahawknak a suak ih Myohla KPDF Battalion ihsin mipi ralkap 2 in nun an liam, tiah theih a si.

Thawmthang lotei’ rak relh SAC ralhrang le Myohla KPDF cu minute 15 sung an kapawknak nunliam an si thu KPDF ih ralkap pakhat in a rel.

“Ralhrang in in kharhkhum ih kan cecang man lo si ko. Kan ralkap pakhat cu ralhrang relhthup in an kap,” tiah a sim.

Myohla KPDF ralkap pahnih ih meithal 2, phone 2 le ကျောပိုးအိတ် khal ralhrang in an la. Nunnak liamtu hi kum 30 mi le kum 19 mi an si, tiah a sim fawn.