Suu Kyi a umnak kan ṭhawnsal thei lo, daan parah zohman kan leng thei lo: Zaw Min Tun

Myanmar rampi thuron Daw Aung San Suu Kyi cu Nay Pyi Taw thawnginn ihsin a umnak kelah ṭhawnsal dingin ASEAN Special Envoy Prak Sakhonm ih a dilnak cu SAC ralhrang in a el.

Hun Sen's former adviser to become Cambodia's foreign minister"

SAC ralhrang cun hiti an tuahnak hi daan thuthennak lan in kan tuahmi a si lo ih daan parah zohman an leng thei lo, tiah lehkhirhnak a nei.

SAC ralhrang thuphuangtu Zaw Min Tun cun Daw Aung San Suu Kyi an thawnnak parah a hlanih rampi thuron Daw Aung San Suu Kyi thu thawn pehparaw in a umnak, a in le ei ihsin thokin tawlrelsak a si ih rampi thuṭhennak daan lan in kan cangvaihnak a um lo, tiah a sim.

ASEAN Special Envoy Cambodia Foreign Minister Prak Sakhonm cun Myanmar a ra tlawn hlanah Daw Aung San Suu Kyi a hlan an retnak kelah ṭhawnsal dingin SAC ralhrang hnenah ca a kuat.

Daw Aung San Suu Kyi ih kum upatnak le a harhdamnak hrang ruat in a inn kelah umtersal dingin a simnak a si.

ASEAN Special Envoy Cambodia Foreign Minister Prak Sakhonm cun Daw Aung San Suu Kyi hi Myanmar miphun pawl lakah remdaihnak a um theisalnak dingah mi thupi zet a si ih ramdang pawl khalin an upat zetmi pakhat a si, tiah a ngan tel.

May be an image of 1 person

SAC ralhrang cun Daw Aung San Suu Kyi cu a thubuai orhtermi pawl thawn pehparaw in inn ih an hrennak hmun ihsin Nay Pyi Taw thawnginn sungah June 22 ah an kuat.

Be the first to comment

Leave a Reply

Your email address will not be published.


*