Sumpai khawl dan olsam bik (3)

Sumpai khawl hi hmansuah lam cak pawl hrangah thil ol lo zet. Thenkhat cun sumpai lakluh tikah khawl dingin kan hngilh ṭheu fawn. Asinan a caancaan ahcun kan thil lei duhmi hrangah cun sumpai kan tuakaw ih kan khawl ṭenṭo thei thotho.

Curuangah sum khawl thiam lo hrangah kan thiam theinak dingin le tenrenten nuntu khawsak kan thiam theinak dingah a tanglam bangtukin sumpai khawl dan ṭha tarlang a si.

1. A dotdotten khawl aw: Hi dan cu kum khat, thla khat lole zarh khat tiin na sum lakluhmi kha khawl aw. Tahṭhimnak ah zarh khatah 100 na khawl thei asile a zarh hnihnak ah 200, a zarh thumnak ah 300 tiin pungter vivo aw. Asinan himi cu na sumluh dan ihzir a si ve ih hi hnakih mal na lakluh lole tam na lakluh dan ihsin nangmahte na remaw vivo thei ko. Zarhtin na harsat asile thla tin tal sumpai khawl zuam aw.

2. Na hmansuahmi ihsin khawl aw: Hi dan hi a olsam zet. Thil pakhatkhat na lei tikah na lei tinten sumpai khawl vivo ding a si. Tahṭhimnak ah na thil leimi ih cem zat ṭhen hra ṭhen khat kha sumkhawlnak bawm ah ret aw. Tahṭhimnak ah 15000 man thil na lei ti bang sehla 1500 in sumkhawlnak ah ret hnik. Cuticun na thil leimi ihsin sumkhawl dan na thiam ding ih tenren dan khal na zir tel tinak a si ding.

3. Cawhkuan vekin khawl aw: Hi dan cu nangmah le nangmah daantatawknak a si. Tahṭhimnak ah zing nazi 6 ah tho dingin na tiamkamaw ih na tho thei lo asile cawhkuan peaw awla sumkhawlnak ah rem na ti zat ret aw. Zarhpisun ah na khawm lo asile daantatnak ah sumkhawlnak ah sumpai ret aw. Cuvek vivo in na tuah asile nangmah khal na ṭhangso ding ih sumpai khal theih lo sungah tam zet na rak khawl man ziar tla a si thei.

Be the first to comment

Leave a Reply

Your email address will not be published.


*