Kum 40 mi Sarah Campbell timi nunau pakhat cun kum 15 mi suakthuante cu Liverpool khawpi ih Golf training kainak hmun ah nupa sinak hmangtlang dingin a thlem.
Acozah sihni Martine Snowdon cun, Sarah Campbell hin suakthuan pate cu sii-chauk le cocaine pe in a thlem ih a taksa hiarnak suah dingah a thlem. Cumi hnuah a fial vekvekin nupa sinak a hmanpi, tiah a sim.
Sarah Campbell cu innhnen le kiangkap pawl ih theih a phan ruangah suakthuan pate cu a inn sungah a thup, tiah Martine Snowdon cun a sim.
Sarah Campbell cu suakthuan pate thawn an karlak thuhla a thup rero nan, a netnak ah nau a pai ih cutin thuthennak ah a lang a tul thlang.
Kum kim lo nauhak thawn nupa sinak hmangtlang in le nau tiang a pai ruangah Sarah Campbell cu thubuai orhter a si.
Cuhleiah suakthuan pate cun Sarah Campbell in a duh na lo cingin nupa sinak hmangtlang dingah I kaihhrem theu, tiah a phuang.
Sarah Campbell cu thuthennak zung ih va lang ding a pelhsolh theu ruangah thubuai dangdang tiang a orh vivo.
A sihni Simon Christie cun Sarah Campbell hi ramtawipai’ pelmi ramsa vek a si, tiah a thiamthu a relsak.
Asinan Sarah Campbell hin suakthuan pate cu a cak-hiarnak thlingthlaknak hrangah hmanrua pakhat menah a hman ruangah nauhak nun pumpi ih hrekkhat lai a siatsuahsak tiin thuthentu Ian Harith cun a sim thung.
Sarah Campbell hin suakthuan pate thawn nupa sinak vei 9 an hmangtlang ti a si. Curuangah kum 9 le thla 6 thawngtla dingin daan an tat.
Hi thubuai hi 2016 laiih thok a si nan, June 15, 2022 lawngah thuthennak zung lam cun daan an tat fang.
Leave a Reply