Kum 14 mi Craig Mulligan timi cun a nu-ei ih fapa Logan Mwangi kum 5 mi cu rapthlak zetin a that.
Craig Mulligan hi a hlan khalah nauhak a soisa theu ih uangaw zetin a relaw theu. Amah hi mi taksa natter le hrem paih zet thinlung lam kim lonak a nei, tiah an sim.
Craig Mulligan cun a nu-ei ih fapa cu rapthlakza in a that, tiah thuthentu lam cun an hmu ih damsung thawngtla dingah daantat ding a si.
A liam zomi 2021, July 31 ahkhan South Wales, Bridgend ih Ogmore tiva ah palik pawl in nauhak thi Logan Mwangi ih ruak an hmu ih a taksa ah hriamhma hmun 56 lai an hmuh hleiah a taksa sunglam khal a siat siat, tiah an sim.
Craig Mulligan hi nauhak le thazang nei lo pawl, rannung tete pawl a soisa that theu, tiah an hmusuak vivo.
An hmuhsuahmi pakhat ahcun Craig Mulligan hin an uico te cu a mit ah sivai rimsia zet a hnih ih a ke pahnih in a thlir ciamco, tiah an sim.
Amah zohkhentu a nu-ei cun Craig Mulligan hi a thinlung ah siatnak in bu an khuar ih amah hi khawse fa rori a si, tiah a sim.
Thuthennak zung cun Craig Mulligan hin nauhak tete pawl a soisatnak pawl cangcawi in zaihla tla a phuahmi a um, tiah an sim fawn.
Leave a Reply