South Korea ah Myanmar pa motor in pah that

South Korea ram, Seoul khawpi ah mani December 4, zan nazi 11 hrawngah kum 35 mi, Myanmar pa Ko Naing Min Tun cu motor in a pah that, tiah theih a si.

Motor ih pah thatmi Ko Naing Min Tun hi Yangon, Hleku peng ihsin Korea ah innsang cawm dingin va hlawhaw a si.

Korea thuthang cun Myanmar pa hi zu ri in lamzinpi ah a vak ih motor tlan laiah a barh-lutaw, tiah a tarlang.

Korea ram ah motor pahnak ruangih mualliam hi atu vei khatnak a si ih Myanmar hlawhfa 45000 hrawng Korea ah hnatuan in an um, tiah Myanmar hnatuantu pawlkom ih hotu Ko Zaw Moe Aung in a sim.