Sikhan a piahaw, a caan thlenzawng an va ko cu sawntu a rak um nawn lo

Covid-19 pulhhri ruangah oxygen tingcangaw loin Myanmar mipi awloksong in kan um cio. Khatlamah nuntu khawsaknak le nitin in-ei a tul fawn ih innsang tin hin pampi le thih a tlung a si bik.

Tuni July 22, Shan ramkulh, Lashio ih sikhan pakhatih thilthleng cun mi a ti mangbang nasa.

Mipa pakhat cu sikhan piahaw dingin tohkham ah to ih a hngah laiah a nunnak a cem. A thitu hi Lashio ih No. 7 veng ih um, Lunglawh bazaar kiangah a damlo cu tuamhlawmaw dingin a ra piahaw.

Sikhan ih mi piahaw an tam tuk ruangah a leng tohkham ah to in a rak hngak. Sibawi cun ‘na ha a thleng’ tiin hei ko khawh zianghman a thei nawn lo. A tohmun ah a rak thi ziar zo.

A ruak cu Covid-19 daan le dun thlun in Covid0-19 Operation Team Lashio in an zohfiah ih cutin mei in an ur.

Be the first to comment

Leave a Reply

Your email address will not be published.


*