SGP ihsin online ih tlangval thawn neiaw dingin a ra tlung, Yangon ah thah a si

Online ih a ngaizawng sarmi tong dingah Singapore ihsin nunau pakhat Yangon ah a tlung ih vansiat tong.

No description available.

Singapore ih hna va tuan Ma Hnin Wai Hlaing cu online ih a ngaizawng sarmi (tlangval) tong dingah Yangon ah a ra tlung.

Ma Hnin Wai Hlaing cu January 5 ah Myanmar ah a tlung ih Hlaing Tharya peng, Industrial zone (1) တပင်ရွှေထီး tower kiang hotel ah a riak. Hotel a riahnak ah misual in nam in vei tam zet an dawt ih a thi, tiah theih a si.

“Singapore Dollar 6000, sui tlang khat, Laptop 1, faute kual 4 le a neihmi zaten an laksak. A taksa cu zoh harsa zetin namhar hlir in a khat,” tiah a rualnu in a sim.

“Anih hi Myanmar ah a ra tlun ding, a nu le pa khalin an thei lo. Yangon ih a ni khalin a thei lo. Cun, thah a si thu khal a thlennak hotel in an thei cuang lo. CCTV zohsal a si tikah January 5 ah mipa pakhat a room ih a luh lai a lang. January 6 ah hi pa thotho cu a room ihsin a suah lai hmuh a si.

Cumi hnuah Ma Hnin Wai Hlaing cu nam ih dawh that a si ti hmuh fang a si,” tiah a rualnu cun a sim hrih.

Ma Hnin Wai Hlaing thattu dingih an zummi bik cu online ihsin a sarmi a ngaizawng, Magway ramthen, Salin peng, Sankalay khua ih Ko Aung Thurein a si, tiah an sim.

No description available.

Ma Hnin Wai Hlaing cu Ayeyarwady ramthen,  ငပုတော peng, ကွင်းဝိုင်း khawmi a si ih Singapore ah kum 4 hrawng, mi hnenum hna a va tuan, tiah theih a si.

 

Be the first to comment

Leave a Reply

Your email address will not be published.


*