Sahrang hmaiah a pinu nunnak runtu ui fim a thi

May 16 ahkhan Erin Wilson kum 24 le a ui fim ‘Eva’ cu North California, Trinity River tluanah ram an tawi.

Ram an tawihnak ahcun ramlak kiosa sual in Erin Wilson cu deh tum in a zawn ih a ui fim Eva cun a pinu nunnak runsuak dingin a thazang zate suah in kiosa cu a rak sual.

Asinan thazang thlauawk tuk ruangah kiosa cun ui fim Eva cu a tuahmawh. Khatlam ah ui fim ih runnak zarah Erin Wilson cu thihnak khamtlang ihsin a luat thei.

Ui fim Eva cu kiosa ih tuahmawhnak hrangah hriamhma roh zet a tuar ih UC Davis Shool of Veterinary Medicine timi rannung sizung ah tuamhlawm a si.

Kum 2 fang a simi ui fim Eva hi kiosa in a tuahmawh na zet. A pinu Erin Wilson ih ngan dan vek asile a luruh a khing ih a kehlam mit kiangkap an pem, tiah a ngan.

Ui fim Eva cu a natnak tuar loin June 8 (tlawngkainithum) zinglam nazi 9:20 ah a pinu nunnak runsuak in amai’ nunnak a liam.

Erin Wilson cun a ui fim ih thihsan cu tuar na zetin a Instagram ah a post.