Sagaing ramthen, Katha District, Bhamouk Township sungah SAC ralhrang le PDF tangrual lakah June 30 ah doawknak a suak ih ralhrang lam 20 lenglo an thi, tiah NUG ih Defense Ministry zung lam ihsin tuni ah thusuah an nei.
Hi doawknak ahhin hriamtuar ralhrang pawl cu PDF pawl in sivai tuamhlawmnak an nei, tiah an thusuah ahcun an telh.
“Raldoawknak ah ralhrang lam an thi tam zet ih mi 30 lenglo an thi tiin kan thei. Kanmah lam thawn pehtlaihaw thei loin kan um. Ziangahtile phone line an phit,” tiah Bhamouk dothlengtu pawlkom ih sungtel pakhat cun a sim.
Sagaing ramthen sungah hin SAC ralhrang in ram an nor zet vanglai a si ih tualsung hriamhrei kai pawl thawn nitin an doaw ringring.
June 28-29 ah Simaw-Taungyi kiangah SAC ralhrang le KIA, Katha tatzin 2 (Bhamouk PDF+Eindaw PDF) le tualsung hriamhrei kai pawlkom tangrual pawl an doaw.
Hi tumah SAC ralhrang 5 an thi ih a nunglai in mi 5 an kai ih ralthuam khal an laksak hnuaihni tiah theih a si.
Leave a Reply