SAC palai a tel ding ruangah ASEAN meeting tiam cin um loin an ṭhawn

Myanmar SAC ralhrang kuttang ih ramdang palai ṭuantu Wunna Maung Lwin kai dingmi ASEAN ram palai pawl tonkhawmnak cu ni khiah nei loin an ṭhawn men, tiah theih a si.May be an image of 2 people and people standing

Cambodia ah January 18-19 ih tuah dingmi ASEAN ram palai pawl tonkhawmnak cu remcan lonak ruangah ṭhawn a si ih ziangtikah kan tuah ding timi ni khiahmi a um lo, tiah Malaysia ramdang palai Datuk Seri Saifuddin Abdullah cun a sim.

Hi ASEAN ram palai pawl tonkhawmnak ding ahhin ramdangdang ihsin ram palai pawl sullam phunphun ruangah an tel thei lo ding thu neih a si.

“January 20 ah Parliament meeting ah Omicron thuhla rel ding kan neih ruangah ASEAN meeting ka tel thei lo ding. ASEAN meeting ka tel ahcun kan ram meeting ka pelh a ṭul ding ruangah ASEAN meeting sawn ka feh lo a ṭul,” tiah Malaysia ram palai cun a sim.

A ngaingaite cun Cambodia ih kaihhruaimi ASEAN meeting ding ahhin Myanmar ram palai U Wunna Maung Lwin a tel ding ruangah an phur lo phahnak a si.

ASEAN meeting ah Myanmar ram ihsin ram palai sawm lo dingin nikum lam ihsin Malaysia hin a rak rel zo. Asinan tui’ṭum Cambodia PM Hun Sen in Myanmar ram a ra tlawn ihsin Myanmar hin ASEAN lakah boruak a nei vivo.

Hi Cambodia ih tuah dingmi ASEAN ram palai meeting ih online men si loin mah rori va feh ih tonkhawmnak nei ding an si.

Be the first to comment

Leave a Reply

Your email address will not be published.


*