Sagaing ramthen, Myaung peng le Yesacho peng ritawknak ah SAC ralhrang vanzam Mi 35 helicopter cun a milai pawl hliah loin sursum thlak in bomb a thlak sual ih ralhrang 69 an thi, tiah CDSOM ih thuphuangtu ကိုနွေဦး cun a sim.
November 13 zinglam ah hnipuan menmen hruh ralhrang rual cu Myaung le ရေစကြို ritawknak ih khua pawl an nawhkang hnuah an kirsal ih an kirnak lamah tualsung hriamhrei kai pawl thawn tonglawnaw in an kapaw.
Zinglam nazi 9:30 ah nitlak-saklam ih ralhrang hmunpi ihsin Mi 35 helicopter cun raldo bawm dingin a ra zam. Ralhrang Helicopter cun a milai ralhrang hnipuan menmen hruh pawl cu palh in a bomb a thlak hai.
“Ralhrang hi a tlangpithu in column pakhatah 100 hrawng an um ih cumi lakah 69 an thi. A tam sawn an thi tinak a si cu! Helicopter in bomb a thlak thatmi pawl cu motor 30 lai an ra ih ruak an rak phur. Mani ah khaw 7 an urkang ih atu ah an tuar cih.
Ralhrang 69 an thih hleiah hriamtuar khal an um hnuaihni ding. Zing ah kan kapaw ih anmah lo ziang vanzam an va kawhnak hme!
Vanzam cun hnipuan menmen hruh ralhrang pawl cu hliah loin PDF hmangah a ruat ih bomb a thlak si ko.
Kannih lam cu himten dung kan rak sip ziar zo,” tiah ကိုနွေဦး cun a sim. Hi Mi35 Helicopter hin bomb vei 25 a thlak ih ralhrang thi le hriamhma ngah an tam zet, tiah theih a si.
Leave a Reply