SAC ralhrang le Pyusawhtee in Tamu khawmi 9 an kai

Sagaing ramthen, Tamu khawpi ah ni thum sung, SAC ralhrang le Pyusawhtee in minung 9 an kai, tiah Tamu peng dothlengnak pawlkom a simi Central Intelligence Agency in RFA hnenah a sim.

An kaihmi pawl hi sumdawng deuh hlir an si ruangah sumpai hramhram ih laksak le mipi thlaphang dingin an tuah duh ruangah a si, tiah CIA cun a sim.

SAC ralhrang le Pyusawhtee cu December 7 ah mi 5, December 8 ah mi 1 le December 9 ah mi 3 tiin an kai, tiah CIA cun a sim.

Dothlengnak thawn a peh ih pehparaw lo, Tamu ih mawhnak nei lo mi 9 kaih an si ih SAC ralhrang in daan section 505 (b) ih thubuai a tuahsak hi sullam nei lo a si, tiah Central Intelligence Agency a sim ih hivek tuah nawn lo dingin theihternak an nei fawn.

Atui’ an kaihmi pawl hi dothlengnak ah hnawihnihawknak an nei lo nan, SAC ralhrang in rampi thuneihnak a lak pekte ah CDM pawl an bawm, tiah thu tthing an satsalmi a si.

SAC ralhrang le Pyusawhtee in mi 9 an kaihmi pawl cu khuitawkah an hreng, ti theih a si lo ih RFA in Sagaing ramthen, Social AffiarsMinister U Aye Hlaing thuhla sut dingin an zuam nan, phone a kai lo, tiah an sim.

Be the first to comment

Leave a Reply

Your email address will not be published.


*