SAC ralhrang le hriamhrei kai pawlkom 7, a langten tonawknak nei ding

Myanmar ram pumhuap ih kahcawlhnak (NCA) hminkhentu tlangpar hriamkai pawlkom 7 le SAC ralhrang a langten tonkhawmnak an nei ding, tiah EAO thawn naihniamaw zet, thuthang pakhat sirhsan in theih a si.

No description available.

Hi tonkhawmnak hi tlangpar hriamkai pawlkom 7 in SAC ralhrang hnenah an dil hmaisat thu theih a si ih an dilnak cu December 7 ah General ရာပြည့် hnenah ca an kuatmi a pomsak ruangah an lungawi thu an langter.

NCA-s EAO pawlkom 7 hin reipi awh remdaihnak cangsuak thei dingin lungkimtlangnak tuah thei dingah a langten tonkhawmnak an beisei, tiah theih a si.

December 12 ahkhin Thailand Chaing Mai khawpi ah palai malte lawng feh in a langten tonkhawmnak an nei ding ih cumi hnu, December 15-17 ah Taunggyi lole Mawlamyine ah palai kim ttheptthep in tonkhawmnak an neisal ding, tiah theih a si.

Cumi hnuah Yangon khawpi ah khatlam khatlam lungkimtlangnak an neihmi pawl hminkhennak an nei ding ih tanrualnak le remdaihnak committee ih duhdan vekin an fehpi vivo ding.

No description available.

SAC ralhrang thawn tongaw ding pawlkom 7 cu NMSP, ALP, DKBA, KNU/KNLA-PC, LDU, PNLO le RCSS an si.

Be the first to comment

Leave a Reply

Your email address will not be published.


*