SAC ralhrang in tlawngta 5, kum sau thawngtla dingin daantat

Yangon, Mandalay ah SAC ralhrang uknak dokalhtu phunsang tlawngta 5 cu December 29 ah kum sau thawngtla dingin daan an tat, tiah RFA sirhsan in theih a si.

May be an image of 4 people and text

Yangon nisuahnak phunsang tlawngta  ကိုဗညားစိုးထက် le Dagon phunsang tlawngta  ကိုစစ်ဇော်ကံ cu kum 74 veve thawngtla dingin daan an tat.  တိုက်ကြီး peng ih ကိုစိုင်းစည်သူ cu kum 44, Monywa Economics phunsang tlawngta မဆောင်းဟေသာ cu kum 24 le Mandalay phunsang tlawngta  မဖြိုးအိကျော် khal kum 7 tiin kum sau thawngtla dingin sac ralhrang in daan an tat fingfing.

Yangon nisuahnak phunsang tlawngta pawlkom ih sungtuan pakhat cun, “Atu vekin tlawngta mino tete, kum reipi thawngtla dingin daantat an si ih Democracy duhtu pawl in namneh rori a si.

Thenkhat tlawngta, mino pawl cu an kum hnakin daan an tat zat a tam sawn.

Cun, mawhnak pipa um loin thubuai phunphun orhter an si ih thuthennak zung ah thiamthu relnak caan khal pek an si lo,” tiah a sim.

Yangon nisuahnak phunsang tlawngta lakah mi pahnih cu kum 74 veve daantat an si.

May be an image of outdoors

Kum 26 daantatmi pali, kum 15 daantatmi pakhat, kum 10 daantatmi pakhat, kum 5 daantatmi pahnih, kum 6 daantatmi pakhat, kum 3 daantatmi pahnih le kum 2 daantatmi panga an um zo ih an zaten mipum 17 an si, tiah anih cun a sim.

 

Be the first to comment

Leave a Reply

Your email address will not be published.


*