India-Myanmar ramri, Sagaing ramthen, Tamu peng ih tualsung hriamhrei kai pawlkom sakhan 7 cu SAC ralhrang in an siim ruangah an suahsan thu Tamu peng PDF pawlkom hnen ihsin theih a si.
India ihsin ralthuam phurlut tum SAC ralhrang 400-700 hrawng cun bur hnih in November 15 le ni 16 ah PDF sakhan pawl an siim, tiah theih a si.
Tamu PDF sungtel pakhat cun, “Tamu ah SAC ralhrang in India ihsin an leimi ralthuam a thleng. Cumi cu a phurhsuah dan ding ‘plan’ an suai si ko.
Peng 4 ih kan sakhan in siim hmaisa ih cumi hnuah ABSDF sakhan an siim. Ralhrang hi an tam tuk ruangah kan do neh lo rori si ko,” tiah a sim.
Ralthuam tum celek in SAC ralhrang cun November 15 ah ABSDF sakhan, PDF-Tamu Battalion 4 sakhan, ပကဖ sakhan, BSO (Burma Student Organization) sakhan, FRT sakhan, CDM Police Figter sakhan tiin an siim.
November 16 ah PDF-Tamu Battalion 2 sakhan an siim bet, tiah Tamu PDF hnen ihsin theih a si.
Leave a Reply