Magway ramthen, Pakkoku hrambun နဂါးညီနောင်ပျောက်ကြားတပ်ဖွဲ့ sakhan cu, November 23 ah SAC ralhrang in an siim ih an nawhkangsak hnuah mi pahnih an kai, tiah နဂါးညီနောင်ပျောက်ကြားတပ်ဖွဲ့ ih Bo Paing Gyi in a sim.
Ralhrang 80 rual cu simlam nazi 3 hrawngah ပေါက် le မြိုင် lam ihsin motor 9 in an ra ti thuthang an thei nan, an thuthang theih a tlai tuk thu, Bo Paing Gyi cun hitin a sim.
“Sakhan hlumtu ချစ်သဲ le ဖိုးလုံး cu sakhan rak suahsan dingin kan phone nan, an phone an off.
Keimah le mi 3 in kan va zoh tikah ချစ်သဲ le ဖိုးလုံး cu ralhrang in an rak kai zo.
Meithal kan neih that lo ruangah kan tlansan.
Sakhan ih deuthlam 3 an urkang ti kan hmuh veten kan mi le sa pawl kan pehtlaihaw lohli ih hmun him lamah kan tlan,” tiah Bo Paing Gyi in a rel.
November 24 zing ah SAC ralhrang in an kaihmi 2 an thah thu, ဖိုးလုံး ih phone hmang in in rak sim, tiah Bo Paing Gyi cun Irrawady Times hnenah a sim.
ချစ်သဲ le ဖိုးလုံး hi kum 21 veve an si, tiah theih a si.
Atu ahcun နဂါးညီနောင်တပ်ဖွဲ့ cu hmun himnak ah an thleng zo ih dothlengnak tharthawhsal dingin an zuam rero, tiah theih a si.
Leave a Reply