SAC ralhrang in Myaung-CDSOM sakhan an cilsiatsak

Myaung CDSOM sakhan SAC ralhrang in an cilsiatsak.

Sagaing ramthen, Myaung peng hrambun, CDSOM sakhan cu March 6 ah SAC ralhrang in an siim ih an nawhkangsak ih ralthuam tam zet an sungral, tiah Myaung-CDSOM in thu an than.

“Battalion pahnih komaw tlukih tam ralhrang rual lamzin 3 in an ra ih simlam nazi 3 hrawngah Pyusawhtee tam zet thawn RPG, Machine Gun, 60mm tawi le sau, mahfek meithal keng in kan sakhan in ra nor. CDSOM sakhan le CRF sakhan an nawkkang,” tiah CDSOM ih tuanvoneitu in a sim.

SAC ralhrang cun Drone in bomb an thlak ruangah CDSOM ralkap raldo thiam zet pakhat a ngah ih hriamhma a tuar hleiah ralkap 1 khal a lu ah hriam a tuar. Mipi ralkap lamin rak kah an tum ve nan, ralhrang thazang a that tuk ruangah hlawhsam in dung an sipsal thu Myaung-CDSOM ih tuanvoneitu cun a sim.

Myaung-CDSOM sakhan cilsiat thu ah SAC ralhrang dinpitu pawl cun PDF sakhan siim a si ih an zaten an tlanhlo thluh ruangah ralthuam le thilri tam zet laksak a si, tiah an tarlang.