SAC ralhrang in mi an thahmi pawl an zahmawh tiangin an tansak

Magway ramthen, Gangaw  peng Mwe Le khuami mi 5 cu SAC ralhrang in an that ih an zahmawh tiangin an tansak, tiah khuami pawl in an rel.

Miruak 5 pawl cu September 14 ah hmuh an si ih doawknak ih tel lo, khaw sungmi menmen an si, tiah an sim.

An ruak an zoh tikah an bop ah meithal kahnak a um ih an ke le kut pawl khal nam ih ahnak sulhnu le an zahmawh pawl khal tansak an si, tiah an sim.

Khaw sungmi pakhat cun, “An thahmi pawl hi mipi menmen an si ih doawknak ah an tel lo. Meithal kahnak hriamhma, vuak le velhnak kut hnu khal an taksa ah hmuh an si. Ruak pahnih cun an zahmawh a bul,” tiah a rel.

Magway ramthen, Gangaw peng ih Min Thar khua khalah September 9 ah SAC ralhrang in khaw sungmi 17 lai an that dah.

September 10 ah SAC ralhrang le Yaw PDF pawl doawknak a suaksal ih Nan Kha khua inn 40 hranwg an ursak fawn. September 13 ah Nan Kha khua cu inn 14 SAC ralhrang in meisa in an nawhkangsak lala.

SAC ralhrang in mipi an that, an hrem le inn an nawhkang ruangah Gangaw peng sungih khua 10 pawl cu inn le lo suahsan in an tlan, tiah Irrawaddy News cun a tarlang.

Be the first to comment

Leave a Reply

Your email address will not be published.


*