2022 hi Remdaih Ni ah nemhnget in zuam rero a si nan, daihnak le remnak thawn kan hlaaw deuhdeuh, tiah SAC ralhrang mangpa Min Aung Hlaing in February 12, Union Day ih capi a kuatmi ah a ngan.
Ramsung, ramleng hnaihnoktu, pol siava pawl le anmah thawn pehparawmi pawl in rampi thatnak ding an ruah taktak lo ruangah remdaihnak thawn kan hlatnak a si ih rampi hrangah awloksongza rori a si, tiah SAC ralhrang mangpa cun a sim.
SAC cun remdaih thurelkhawmnak a tuahmi ah tlangpar hriamhrei kai pawlkom pawl thawn Peace Process Steering Team (PPST) ih hmalaknak khal rampi thuneihnak lak hnu a cat-thla ruahro, tiah a capi ahcun a tarlang.
Rampi thuneih laknak hin ram pumhuap hmun tinkim ah ral a thoter ih ramthukhel thimkhawzing ah a hruai, tiah a sim fawn.
2022 hi SAC in Remdaih Kum ah a phuan zo vekin RCSS telin NCA kahcawlh hminkhentu pawlkom 7, UWSP telin NCA hminkhen lotu tlangpar hriamhrei kai 3 thawn an zaten pawlkom 10 in SAC an tong, tiah theih a si.
Leave a Reply