SAC ih palai UN Assembly ah thusim theinak caan pe lo dingin US le China an lungkim, tiah thuthang lengvak a suak

SAC ralhrang ih palai cu UN Assembly ah thusim theinak caan pek siang lo  dingah US le China karlakah lungkimtlannak a um, tiah thuthang lengvak a suak.

United Nations General Assembly: Who's speaking and what to watch for | CNN

SAC ralhrang ih palai UN Assembly ih thusim khap dingin ram lian pahnih US le China hin zarh khat sung lai caan pe in thureltlangnak an nei, tiah US hrambun Foreign Policy FP in a sim.

US le China thureltlannak ih lungkimmi ah U Kyaw Moe Tun khal UN Assembly ih thurel ve lo dingin an lungkim timi an rel tel, tiah a hlan thuthang ah a suak ih thungai le ngai lo a si thu BBC in a ngaihven rero lai.

US le China karlakih biakremawknak thu hrimhrim hi European Union siseh, ASEAN siseh, Russia tel in an lungkimpi ve theu tiah UN palai fehphung sirhsan in FP cun a sim hrih.

SAC ralhrang ih palai hin UN Assembly ah thusimnak caan pek le pek lo hin sullam a nei zet ih an pek lo asile acozah si thei dingih a zuamnak pawl SAC ralhrang hrangah thil poi zet a thleng thei. Tui’tum ih SAC ih palai thusimnak caan a ngah lo asile a nai bik November thla tiang acozah si theinak a nei lo ih cumi ah a zuamsal a tul, tiah FP cun a sim.

Tuni September 14 ahhin rampi acozah aiawh theinak palai tahfung khal phuansuah a si ding ih SAC lole NUG khui khat sangsangin an ngah ding, tiah ruahsan a si thu a sim hrih.

UN thuthang sirhsan in sim asile tui’tum committee ahhin chairman ah Sweden a si dingih sungtel ram pawl ah US, China, Russia le ramdang (5)  Bahamas, Chile, Bhutan, Sierra Leone le South Africa pawl an si ding. (BBC).

Be the first to comment

Leave a Reply

Your email address will not be published.


*