SAC ralhrang in tlangpar ram pawl bomb thlaknak ah Russia pilot an hmang

Myanmar ramsung ah March thla sungih ra thleng, Russia SU-30SME Fighter vanzam cu Myanmar-Russia tangkop in Karen ramkulh, Chin ramkulh le tlangpar ram pawl ah bomb an thlak rero, tiah Air Force lam ihsin thuthang theih thup a si.

May be an image of airplane and outdoors

Russia SU-30SME vanzam 6, Hmawbi Air Force ah a ra thleng ih Russia vanzam mawngtu pawl in Myanmar vanzam mawngtu pawl an zirh hleiah anmah rori Karen ramkulh le Chin ramkulh ah bomb an thlak thu, June 30 ih Thailand ram lam tiangih bomb va thlak khalah Russia vanzam mawngtu pawl ih an mawn thu theih a si.

Russia pilot pawl hin Myanmar vanzam mawnsak in bomb thlak an bom theu hi tu hi a vei khatnak a si lo. 2019-2020 laiah Yak 130 Fighter vanzam cu mawng in Rakhine ram ah bomb an thlak, tiah Operation Spitfire cun a sim.

No photo description available.

Cumi laiah Rakhine ramkulh sung bomb thlaknak ah Yak 130 Fighter vanzam an hmang ih Russia pilot in an mawnsak thu, atu khalah SU-30SME cu tlangpar ramkulh pawl ah Russia pilot thotho in mawng in bomb an thlak pehzom rero, tiah Air Force CDM hnen ihsin theih a si.

SAC ralhrang cun 2018 laiah US Dollar 204 million in Russia sersuahmi SU-30SME Fighter vanzam 6 lei dingin hminkarnak an nei ih 2022 March thla sungah Nay Pyi Taw ah a ra thleng.

Russia Fighter vanzam Sukhoi SU-30SME ih pakhatah US Dollar 34 million a si ih vanzam 6 man cu US Dollar 204 million a si.

May be an image of airplane and outdoors

Russia company Sukhoi ih sersuahmi SU-30SME Fighter vanzam hi rocket ralthuam bun in ram buainak hmun ah hman bikmi a si ih Russia pilot 2 in an thlun, tiah theih a si.

Be the first to comment

Leave a Reply

Your email address will not be published.


*