Sagaing ramthen, ကန့်ဘလူ peng ih raltlan pawl cu rul in tu le tu a cuk leuhleuh ih October 21 mipa 28 le nunau 5 rul in a cuk zo. Cumi lakah nunau kum 8 mi pakhat le mipa 2 in an thih phah zo.
October 21, simlam nazi 4:15 hrawngah kum 48 mi mipa 1 rul in a cuk ih cumi hnuah kum 30 mi nunau pakhat a cuk lala.
“Raltlan kan si vekin sivai tuamhlawmawk a har zet. Rul tur khamnak sivai malte kan nei nan, kan daihaw nawn lo.
Curuangah a thupten khawsung ah sivai hawl in kan feh ih ralhrang umnak helcop a tul. SAC ralhrang in PDF tiih rak kaihmi khal an nei,” tiah raltlan zohkhentu mi pakhat in a rel.
ကန့်ဘလူ Peng raltlan pawl hi rul tamnak hmun ih an umkhawm ruangah thla 5 sungah rul in mi 33 an cuk zo. Raltlan pawl umnak hmunah rul hmuk le cong-or an tam zet, tiah theih a si.
Leave a Reply