Rukru huatsuak zet, inntek that dingih hringhro theutu mi 3 an kai

Sagaing ramthen, Monywa khawpi sungih senpi thilri ru lawng si loin mi that dingih mi hringhrotu mipa 3 cu khawpi kilvengtu thupthiar cangvai pawlkom in an kai.

Monywa khawpi, Sethmu zone (Industrial Zone) ah zan laifangah rukru an um ih thilri an ruk lawng si loin inntek khal nam ih dawt dingin an hringhro.

Mi um lonak hmun reh deuh ah mi bawh ih thilri, sumpai pawl laksak hmang zettu mipa 3 cu thilri thawn an kaih thu Monywa Satan pawlkom in thu an suah.

Hi rukru pawl hi minote hlir an si ih anmah khalin mi thil rukhmang an si thu an phuangaw.

An thilri kaihmi pawl ahcun bike ru dingih an kenmi thilri pawl a tel ih anmah hi SAC ralhrang in an kai dah zo nan, thilri lawng an lonsak ih minung cu an thlah zalen hai, tiah an sim.

“Tikcu tha lo remcang ah la in zan ah ruk ding an hawl. Inntek an hmuh tikah nam in that dingah an hringhro hai. Mi rehnak hmun ah bike mawngtu pawl an vaw thlu ih sumpai le sui le ngun an laksak.

Ralhrang thawn an tonawk tikah an thilri pawl an lonsak ih anmah cu an suah zalen men. Hremnak khal an pe lo,” tiah Monywa Satan pawlkom cun an sim.

An kaihmi mipa 3 cu a tul dan vekin thuthensak an si ding ih an rualpi dang khal kai vivo dingin hma an lak tum thu Monywa Satan pawlkom cun thu an suah.

2021, December 18 lai khalah Monywa, Myawady veng ih um kum 17 mi Ngein Khant Kyaw cu mi pakhatin ‘na bike ka lo lei ding’ tiin a ti ih Sone Kone khua thlanmual an thlenzawng ah a pum ah nam in a dawt ih a thi.

Ram boruak a that lo ruangah hmuntin ah rukru le rittheih sivai tham an tam zet ih mipi pawl ralringten um cio dingin forhfialnak an nei fawn.

Be the first to comment

Leave a Reply

Your email address will not be published.


*