Rocket kahnak ruangah nunau sibawi 2 telin mi 30 an thi

Ukraine nisuahnak Dnipro ih inn sawng kua ih sangah Russia in rocket a kap ih kum 15 nunau tleirawl 1 telin mi 30 an thi, tiah President Zelenskyy in a sim. Mi 73 in hriam an tuar ih runhimtu pawl in an buaipi rero, tiah theih a si.

No description available.

January 14 ih Russia Rocket kahmi hin nunau sibawi pahnih khal a ngah ih an thi.

Nunau sibawi 2 hi Dr. Usova le Dr. Irina an si ih tlawngkaitlang an si. Osova hi haa lam sibawi a si ih Irina hi nunau lam sibawi a si.

Innsang din veve zo an si ih Usova in kum 3 mi fate a fehsan ih Irina in kum 5 le kum 7 mi a fate a fehsan, tiah Ukraine ralkap thuthang in an tarlang.

Annih pahnih hi sikhan ihsin inn a tlunnak lamzin ah Russia Rocket in innpi a kah caan ah innpi kiang an thleng ih an thi ve, tiah an sim.

No description available.

Thuthang thenkhat ahcun sibawi pahnih hi Ukraine ralkap hriamtuar pawl tuamhlawmtu an si, tiah an ngan.

Hi innpi an kah thu ah Russia lam cun Ukraine ralkap sekkhawlawknak kan kap ih kan hlawhtling, tiah an sim thung.

Cun, Donetsk kiang Solida khawpi khal Russia ralkap in kan la thei zo, tiah Russia Defense Ministry zung cun an than ih President Putin khalin an ramsung thuthang ah a rel.

Russia hi January 16 ihsin February 1 tiang, an innhnen ram, Belarus ah ralkap training neitlang dingin ram hnih lungkimnak an nei. Belarus hi Ukraine thawn ramriaw an si.

No description available.

Belarus ram ihsin Russia hin Rocket le vanzam ihsin Ukraine a kap thei ringring, tiah Ukraine cun ralrinnak an peaw, tiah theih a si.

Be the first to comment

Leave a Reply

Your email address will not be published.


*