India nu pakhat kum 30 mi cu a pasal le a pasal sungkua pawl in an hmuhsuam thei tuk ruangah a thin a na tuk ih tuvekin a duh lomi pittawp a tuah, tiah palik pawl cun an sim.
Hi nupinu hi India ram, Maharashatra’s Raigad District, Mahad Taluka peng, Dhalkathi khua ih um a si.
A pasal cu nitin ricin ringring a si ih nufa hrangah tuar a har tuk. An inn hi hell ram vek rori a si. A pasal cun kut a thlak a vel ringring. Cu lawng hman si lon a pasal ih sungkhat pawl cun a pasal cu an tan zet ih ziangtluk a mawh khalah an hum ringring.
Innsang thubuai an neih tikah a pasal sungkhat lam cun a pasal nunsim tum loin a mawh lotu nunau sawn riangri an kawk, an beng ih a ning hluahhlo. A nun cu thinpit le beidong in a um.
Curuangah hi nupinu cun a pasal thawn an neihmi fate 6 pawl a hruaikhawm ih tikhur ah pakhatteten a tulthlak hai. A fate 6 a tulthlak ngah in amah khal netabik ah a dawp ve.
Asinan an khuami thenkhat in an hmu man ih sawmkhawmaw in tikhur sungah an tum.
Hmanseh a fate 6 pawl cu an rak thi man zo. Netabik ih dawptu a nu lawng an runsuak ngah. Anih cu netabik a si ruangah a thaw a rak thaw lai, tiah a hmutu pawl cun an rel.
A fate 6 lakah 5 hi nunau an si ih 1 lawng mipa a si. Kum 18 ihsin kum 10 karlak hlir an si, an si fawn.
Hi sarthihnak thuthang sia cun Mahad Taluka peng ih Dhalkathi khuami pawl cu ningtih le thlatem in a tuah, tiah theih a si.
Palik pawl cun thilthlen dan cipciar an zingzoi rero lai.
Leave a Reply