Rawl an cahmi an va peknak ah an nupaten an kapthat, fate nauhakte an tansan

SAC ralhrang in Myanmar rampi thuneihnak a lak hnu Myanmar mipi pawl cu inn le lo, sumsaw le thilri siatsuahsak an si hleiah nunnak tiang derthawng in nitin caan hman a si.

Thenkhat cu ziang cangvaihnak khalih tel riai loin vanduai le malmak ah nunnak rak cantu khal an tor ve.

Tuni July 27 ah Myingyan Township ah riahsiatza vanduainak a thleng. Myingyan khawpi sung Phaza lamzin ih rawl dawrneitu nupate cu zo ti theih loin meithal in an kap ih an nupaten an thi, tiah theih a si.

Hitei’ nupa hi rawl order-tu an nei ih an va pe. An pek ngah hnu an kirsalnak lamzin ah meithal in an rak kap ih an nupaten an thi. Mipatu hi Ko Kaung Myat kum 29 a si ih a nupi hi kum 30 a si. Ko Kaung Myat tei’ nupa hin fehsanmi fate nauhak zet pahnih an nei.

Tualsungmi pakhat cun, “Hitei’ nupa hi zianghman an tuah lo, ziang cangvaihnak khalah an tel dah lo. An hnatuan ah an buai nitin men theu ih zo vek minung thawn khal kawmaw thei, nelum zet an si. An nupaten Danpauh le suatpioh (ဒန်ပေါက်နဲ့စွပ်ပြုတ်) an cah ih an va pe. An ra kirsal lam nazi 11 hrawngah lamzin ah an kapthat,” tiah a sim.

Be the first to comment

Leave a Reply

Your email address will not be published.


*