Ralthuam sernak deuthlam a kang, tangka ting 1000 man kangral

Magway ramthen, Pakkoku hrambun Earthquake Poeple’s Defence Force sakhan ah June 25, simlam nazi 2 hrawngah khan ralthuam tum an tuahnak ah rinlopi in an cangsual ih an sakhan pumpi in a kangral, tiah theih a si.

May be an image of outdoors

60MM ralthuam tum an sersuah laiah hi thil hi thleng a si ih meithal ziangmawzat khal meisa lakah an kangral. An sunralmi manmual zat hi ting 1000 lenglo a si, tiah Earthquake Poeple’s Defence Force ih tuanvoneitu A Shi Gyi cun a sim.

“Ralthuam kan sersuahnak hmun ahhin meithal pawl remten kan retkhawm. 60MM ralthuam tum kan tuah rero laiah meisa lakah zian a tla ih vei le khatah a kang.

May be an image of outdoors

Ralthuam sernak hmun deuthlam a si vekin meisa kang olsam zet ih kan sakhan pumpi ih mine pawl an puak ciamco. Zohman in kan naihniam ngah lo. Meithal kan neihmi pawl khal kan thiarsuak ngam nawn lo, an zaten a kangfai thluh,” tiah A Shi Gyi in a sim.

Meisa ih kangmi lakah R4 pakhat, A4 pakhat, 10 81 pakhat le M16 tuahnak thilri pawl an tel.

Earthquake Poeple’s Defence Force hi SAC ralhrang do ah khawpi sungah siseh, khawpi lengah siseh midang hriamhrei kai pawlkom pawl thawn an cangvaitlang.

May be an image of outdoors

Atu-ahcun an ralthuam neihsunmi pawl a kangral ruangah hmailam an cangvaihnak hrangah bom an tul thu le a bawm theitu an um asile bomnak pe dingin dilngennak an nei.

“Kan sunralmi kan thilri pawl vek ralthuam kan neih theisalnak dingah in bawm hram uh,” tiah zangfah dilnak ca an ngan.

Annih hi NUG in vei khat hman in le eizawng in siseh, ralthuamzawng in siseh bomnak a pek hrih lomi an si.

May be an image of tree and outdoors

Curuangah NUG lamah an ruahsannak an thum lo ih midang pawlkom hnen ihsin bomnak an beisei sawn thu tuanvoneitu A Shi Gyi cun a sim.

Be the first to comment

Leave a Reply

Your email address will not be published.


*