Ralrel dan thar thawn SAC ralhrang kan do ding: General N’Ban La

Myanmar ah SAC ralhrang hi vok lal len ih a leng ih a uknak nuai cimit dingin ramthukhelnak le raldonak timi kalbak pakhat le ralrel dan thar thawn ral kan do ding, tiah KIO hotu General N’Ban La (အင်ဘန်လ) in mipi hnenah theihternak thu a cah.

Despite regional pressure to avoid clashes, KIA vows to 'fight against dictatorship' | Myanmar NOW

KIO din cam kum 62 kim lomnak ah KIO Chairman General N’Ban La cun tuvekin thucahnak a nei.

KIO Central cun a rei hlanah ramthukhelhnak le raldonak huham cakter a si ding ih kalbak thar pakhat an kal ding thu, rampi thuneihnak zaten hamttam zettu, sankhuk ih lal berber duhtu SAC ralhrang uknak rawt cimitnak ding hrangah dothlengnak tuanpi pawlkom zaten lungkhat thinkhat pu in do bor a si ding thu, mipi pawl khal mah le tangkainak zawnah tel cio dingin a forhfial thu, October 25 ih tuahmi kum 62 kimnak KIO din cam lom ni ah General N’Ban La cun thu a cah.

1947 tuahmi Pinlung thukham pawl nekrawk le siatsuah a si ruangah tlangpar miphun pawl hin dothlengnak an tuah thu, rampi thuneihnak SAC ralhrang in pumhlum in sankhuk tiang lak a tum ruangah ramsung buainak meisa alh a si thu, SAC ralhrang ruangah Myanmar mipi rethei fialfial ih an um thu, 2021, February 1 ah SAC ralhrang in rampi thuneihnak a la ih buainak khirhkhan deuhdeuh thu, Myanmar rampi cu harsatnak khur thukpi ah a tlak thu pawl duham zetin a sim.

SAC ralhrang uknak sia rawt cimit thei dan umsun cu dothlengnak lawng a si thu KIO General N’Ban La cun a rel.

Be the first to comment

Leave a Reply

Your email address will not be published.


*