Htee Lin khawpi ah ralhrang le palik zu ri pawl thukam elawknak a suak ih meithal an hmeh puak ruangah USDP 1, Non CDM General / Administrative Staff 1 telin mi 3 an thi, tiah theih a si.
Magway ramthen, Htee Lin khawpi ah SAC ralhrang kuttang ih ralkap le palik pawl June 26, simlam nazi 5 hrawngah zu ri in an toaw ih khatlam khatlam meithal in an kapaw ciamco.
Ralthuam tum in inn pakhat an kap ngah ih mi 3 an thih hleiah mi 1 in hriamhma roh zet a tuar, tiah YDF Htilin Battalion-15 (Shwe Som Nyo) hnen ihsin theih a si.
Htee Lin peng sungih khua tampi ah hivekin buainak a thlen theu ruangah ralring cio dingin YDF Htilin Battalion-15 (Shwe Som Nyo) cun an cah.
Htee Lin khawpi June 26, simlam nazi 5 hrawngah SAC ralhrang kuttang ralhrang le palik zu ri buainak ruangah ralkap lam cun palik sakhan ah lut in an kap hmaisa.
Ralhrang ih kahmi ralthuam tum in USDP sungtel U Aung Than Win ih inn a ngah ih U Aung Than Win, a nupi Non CDM G/A cazi le a fanu rannung sibawi an thi, tiah theih a si.
Leave a Reply