Magway ramthen, Pakokku peng ah ralhrang zu ri pahnih cu an duty laiah an itthat ih Kyonchaung MC-KC DF pawl in an meithal zun khat an laksak, tiah May 31 ah thu an suah.
May 29 ahkhan meithal an laksakmi hi MA 1 phun a si ih ralhrang itthat cu zianghman tuahmawh duh loin meithal lawng an laksak. A hmunhma pawl lawngte khuami pawl humhimnak ah cipciar in an tarlang duh lo thu MC-KC DF thu an sim.
“Duty lai ralhrang zu ri pahnih kan hmu ih kan pel hnuah an meithal zun khat kan laksak,” tiah MC-KC DF ih thuthang phuangsuaktu G-3 cun a sim.
May 31 ah Myit Chi khawpi sungih lamzin zate ah a vaksuaktu mipi motor pawl sangka thlalang ong loin vaksuah an sian lo thu, thuawih duh lotu cu poipeng an ton caan ah tuanvo an laksak thei lo thu MC-KC DF cun thu an suah hrih.
Myit Chi-Kyon Chaung PDF cun SAC ralhrang ih tuahmi thilri laluttu pawl kaih an si tikah an thilri an siatsuahsak ding thu le zohman ralhrang thilri lei le zuar lo dingah theihternak an nei.
Leave a Reply