Sagaing ramthen, Ye Oo peng, Wet The le Pe Gyi khua lamah July 7 zingpit ah SAC ralhrang pawl an vanzam hmanmi Helicopter le Jet Fighter lamzin an thlengh ih ralrel dan (strategy) khal theihthiam a har, tiah Kodaungbo People Defend Force KDO PDF-Eagle sungtel pakhat cun a sim.
“Leipar doawknak ahcun siatsuahaw kan um lo. Asinan ralhrang pawl an vanzam lamzin le ralrel an thlakthlengh rero. Thlanglam ah bomb ra thla ding vekin an zam ih saklam ah an va thla.
A hlanah cun thlanglam tinzawn ih an zam hnuhnu cun saklam ih kan ralkap pawl cu hnangamten an um.
Atu cu thlanglam ah helicopter an zamter ih tawkfangin saklam ah in ra kap ciamco,” tiah a rel.
July 7 zinglam nazi 10 le 10:30 hrawngah nisuah-thlanglam ah vanzam pahnih, nisuah-saklam ah Mi35 vanzam pakhat, sun nazi 11 ah nitlak-saklam ah Mi35 vanzam pakhat tiin vanzam 4 an zamter.
An hmuitinmi bangaw celcel in vanzam 4 an zamter ciamco. Ye Oo peng ah nazi 10:45 ah an tongaw ih vanzam ihsin in thua ciamco, tiah a sim.
“Doawknak boruak sosannak hmun pawl ah vanzam zam dan an thlengh hrim ih kan buai zet. Thlanglam an feh hmang maw, ti laiah nazi hrek hrawng a rei in saklam in kap ciamco.
Hitivekin SAC ralhrang hin ralrel dan (strategy) an thlengh PDF pawl hrangah theihthiam a har ih fimkhur cio dingin ka simthei duh,” tiah a sim hrih.
Cu hleiah July 7 zing ah Kodaungbo ih ralhrang sakhan hnenah helicopter ih ralthuam an thlak laiah meithal puak phah rero khal theih a si, tiah Kodaungbo People Defend Force-KDO PDF-Eagle cun thu an su
Leave a Reply