SAC ralhrang thazang tam zet cun June 10, zinglamah CDF-Kanpetlet Battalion 2, Vakok sakhan an siim ruangah CDF-Kanpetlet Battation 2, Vakok sakhan an suahsan, tiah Kanpetlet peng mipi uknak ih thuthang phuangtu cun June 10 ah thu an suah.
Ralhrang thazang tam zet cu CDF-Kanpetlet in an rak do ih SAC ralhrang 15 hrawng an thih hleiah hriamtuar 30 hrawng an um, tiah Kanpetlet mipi uknak cun a sim.
Hi doawknak ah CDF-Kanpetlet lam mi 2 hriamhma tenau tuar an um, an ti fawn. Ralhrang thazang tam tuk ih an ra pan ruangah CDF-Kanpetlet Battalion (2) Vakok sakhan cu ui zet cingin an suahsan.
Doawknak sungah a kiangkap khua 10 ih mipi pawl cu sahimnak hawl in an relh thluh ih bombawi an tul zet, tiah an thusuah ahcun an telh.
A hlan khalah ralthuam tingcangawk lo le thazang thlauawk tuk ruangah CDF-Kanpetlet cun sakhan pakhat an rak suahsan dah zo.
Leave a Reply