Ralhrang sungtel kap thattu ih puhmi mino 1 le sihni ralhrang in an kai

SAC ralhrang sungtel U Than Zaw Tun cu June 19, zinglam nazi 7 ah kah a si.

An kahnak hmun hi Monywa Kyaukka lamzin, Swe In Nan cawlhbuk kiang kuva dawr hmai, motor sungih a um laiah zo ti theih lo hriamhrei kai cun an kap ih a thi.

Hi kah thatawk ruangah Monywa palik pawl cu lamzin an khar ih mi an cek ciamco. Inn tiangin an luh an suak.

Zinglam nazi 7:45 hrawngah bike to mino pakhat cu an check zik ih duh loin a tlansuak hnuah an kap hnuah an kai.

Hi mino hin pistol 2, cerek 25, ziandawng 3, phone 1 le a hmatpungtin an kai.

An kaihmi mino cun U Than Zaw Tun kah that a si thu thawn pehparaw in a dunglam ihsin forhfialtu an um thu a rel.

Cuticun dunglam ihsin forhfialtu ih a puhmi sihni U Aung Chan Myae cu an kai, tiah theih a si.

Sihni U Aung Chan Myae cu an cek vivo tikah meithal 4, kut den bomb 5, zian tam zet khal a kut ah an hmu.