An kaihmi ralhrang sergeant pakhat a tlansuak ih PDF pawl in cerek in nun an sim lawlaw

Kya-inn Seik Gyi ah PDF pawl ih kaihmi ralhrang Sergeant pakhat cu a tlansuak ih meithal in an kap that, tiah theih a si.

Karen ramkulh, Kya-inn Seik Gyi peng ah PDF pawl in SAC ralhrang sergeant pakhat cu an kai ih hridai ih an ṭawn cingin a tlansuak thotho.

Curuangah PDF pawl cun meithal cerek in nun an sim lawlaw, tiah PDF in an sim.

Bokpyin ralhrang sizung ih hnaṭuan kum 25 mi ralhrang sergeant Taik Htun cu kaih a si ih an ṭawnnak hridai phelh in June 20, zinglam nazi 3 hrawngah a tlansuak. PDF pawl cun an sulhnu zingzoi in hramlak ah an hawl ih an kah that.

“Tualsungmi pawl ih thuthang in simnak vekin kan kai. Kan kaih hnuah hridai in kan ṭawn ih a phelh hnuah a tlansuak. Hramlak ah kan hawl ih kan hmusal. Kan hmuhnak hmunah kan thianfai lawlaw ih kan phum cih,” tiah PDF sungtel mi pakhat cun a rel.

Ralhrang sergeant Taik Htun hi June 18, zinglam nazi 8 ah Kya-inn Seik Gyi khawpi ih thlanglam peng 4 hlatnak Tan Pha Yar khaw kiangah mipi pawl ih simthannak ihsin PDF pawl in an kaihmi a si.

Kya-inn Seik Gyi peng hi KNU ih Do Palaza District Tatmaha (6) luah ram sungah a um.

Be the first to comment

Leave a Reply

Your email address will not be published.


*