Ralhrang sakhan siimnak ah KNDO lam ihsin Deputy Sergeant 1 le RPG kap thiam 1 in nunnak liam

Karen ramkulh, Way Lay ih SAC ralhrang sakhan Ukritha cu KNDO Special Commando Battalion Venom in mani June 26 zing ah an siim.

May be an image of 1 person and outdoors

Khatlam khatlam kahawknak a suak ih KNDO lam ihsin CDM Deputy Sergeant pakhatin ram hrangah a nunnak a liam, tiah theih a si.

“Atu dinhmun ah Venom ral siimnak ah KNDO lam ihsin mi 2 in ram hrangah nunnak an liam. Pakhat cu CDM Deputy Sergeant a si ih pakhat cu RPG kaptu a si. Mawkhe le May Lay sakhan lak lai khalah annih pahnih hi an tel.

Sun kahawknak ah annih pakhat hi an awm ah kah ngah an si. Ralthuam kan tingcangaw lo zet,” tiah Venom ral siimtu ih thuphuangtu pakhat cun a sim.

A thitu CDM Deputy Sergeant hi Ko Wai Linn Aung @ Ko Zaw Linn Htut a si ih March 21 laiah ralhrang 5 hnakih mallo an thihnak Myawaddy Mawkhi sakhan lak tumah a rak teltu a si.

May be an image of 3 people, tree, outdoors and text that says 'KNU K U Karen National Union'

Cu hleiah SAC ralhrang kuttang palik 2 hnakih mallo an thihnak le an nunglai in 5 an kaihnak Way Lay sakhan lak tum khalah a tel thotho.

June 26, zinglam nazi 5 ihsin an siim thokmi ralhrang sakhan cu KNDO Special Commando Battalion Venom hotu hi ralbawi Saw Win Myint a si ih June 26 zan tiangah sakhan laksak dingin nasaten an nor rero.

“Atu June 26, zan nazi 9 tiangah kahawk rero lai a si. Ralhrang lam thi an tam zet,” tiah tuanvoneitu pakhat cun a sim.

Kahawknak a sosan tuk ruangah ralhrang lam cun Helicopter ihsin an ra kah bawm. Asinan KNDO lam cu dungsip tum cuang loin an tanhmun an rem deuhdeuh.

May be an image of 2 people and outdoors

Hi ralhrang donak ahhin Venom Battalion lawng si loin Cobra khalin a bawm ve, tiah theih a si.

Be the first to comment

Leave a Reply

Your email address will not be published.


*