Karen ramkulh, Waylay District, Ukritha ralhrang sakhan siimnak ah mipi ralkap lam ihsin hnihsuaksai thiam Ko Rainbow (အီကြာကွေး) cu ralthuam tum in a ngah ih a nunnak a liam tiah Shinphyu tatzin hnen ihsin theih a si.
Waylay ih SAC ralhrang sakhan Ukritha cu KNLA, KNDO le tangrual pawl cun June 26 zing ihsin an siim thok ih June 28 tiangah hnihsuaksai thiam Ko Ein Kyia Kwun tel in mi 8 in nunnak an liam zo, tiah theih a si.
Shinphyu tatzin 2 ih sungtel pakhat cun, “Anih hi zan lam vanzam ih in ra kahnak ah an ngahmi a si. Ralthuam tum in a ngah ih a nunnak a liam. Ko Ein Kyia Kwun le kei hi training kaitlang rori kan si ih tuvekin nunnak a liam cu tuar thiam har ka ti zet,” tiah a sim.
Kum 20 mi, kum note lai ihsin hnihsuaksai lamih talent nei tha zet Ko Ein Kyia Kwun hi ralhrang in uknak an lak tikah duhphorhnak ah telin a u Palata thawn dothlengnak ah luttu a si.
Cun, Shinphyu tatzin 2 ah training a kai ih KNDO Special Commando Battalion ah a um.
Atufang ahhin Ukritha sakhan cu KNLA, KNDO le tangrual lamin lak tum in an nuai rero lai.
SAC ralhrang in tlunvan lam ihsin vanzam ih a kap ih khuami tam zet cu hmun himnak lamah an tlan rero, tiah theih a si.
Leave a Reply