Ralhrang sakhan hrang lamcaw phurtu KNDF in rak bawh in an kap, ralhrang 3 an thi

Ralhrang sakhan hrang lamcaw phurtu KNDF in rak bawh in an kap, ralhrang 3 an ngal.

လောပိတ khawpi ih ralhrang sakhan hrang, lamcaw phurtu ralrang motor cu KNDF in rak bawh in an kap.

Ralhrang captain pakhat telin ralhrang 3 an thi ih ralthuam khal tawkfang an laksak thu KNDF ih thuthannak zung cun November 14 ah thu an suah.

November 13 ah Loikaw peng, လောပိတမြို့ khawpi ih SAC ralhrang ttankhuarnak sakhan pakhat hrang, lamcaw phurtu ralhrang pawl cu simlam nazi 3 lan hrawngah KNDF B-10 in lamzin ah an rak kap.

Khatlam khatlam kahawknak minute 10 hrawng a thleng ih ralhrang lam captain telin 3 an thi, tiah an sim.

Cu hleiah SAC ralhrang hnen ihsin MA-1 meithal 1, ziandawng 4, cerek thenkhat le phone 1 an laksak ih KNDF lam cu zohman tuahmawhmi um loten dungah an kir theisal.

An kahawk rero laiah လောပိတမြို့ ih bukhuar SAC ralhang cun pukpi in catbang loin an rak thum ruangah KNDF ih hualkhummi ralhrang 2 an luat phah, tiah theih a si.

Karenni ramkulh sungah hin November zarh khatnak ih tuni tiang doawknak tenau le siimawk thutthi a thleng camcin ih a hleice in, Loikaw, Demoso, ဖရူဆို, ဘောလခဲ, ရှားတော peng sungah vei 13 doawknak a um ih ralhrang 9 hnakih tam an thi, tiah theih a si.