SAC ralhrang pawl cu ral ram an fehnak Karen ramkulh sungah malaria le Japan khurh nat an tuar ih ihkhun ah beidong zetin an it phengpheng, tiah ralhrang hruangkulh sungih ‘dawnfawh’ in an sim.
An besiatnak hmun cu Karenni-Karen karlakah a si. Tualsung PDF pawl cu an um tthangnak a si ruangah nat an tuar nawn lo. Asinan ralhrang pawl hi hmun dang ihsin ra an si ih khurh nat an tuar nasa.
An nat tikah Thai lamah an va tuamhlawmaw ngam lo, an feh ngam lo hrimhrim. Ramsung sizung pan hai sehla lamzin ah kah an tuar thotho awm si,” tiah hmin tarlang duh lo, captain pakhat in a sim.
Atu fang hi Shan ram ihsin SAC ralhrang sivai an lak theunak lamzin phihsak an si bet. Raldo cu rel lo, an riahbuk ralvengtu hman an um ceu. An sakhan kiangah mine lawnglawng an kam men.
Ral a buai caan ah vanzam lawnglawng an cah. Vanzam asile an kawh tinten a ra ce lo. A rat hmanah a tlai puangpo thei tuk. Cun, ralhrang vanzam cun an milai pawl a kap sual bet.
SAC ralhrang hi raldonak ah thi le hriamhma ngah an tam zet vekin atu ahhin ralram ah khurh nat an tuar.
Mi an mal zet ih thlakthlengh-awtu khal an um nawn lo. Thal a thleng zik ih an talbuai deuhdeuh ding,” tiah an sim.
Leave a Reply