Ralhrang pukpi kahmi in Vaphai khua ih Pi Run Neih Kim a tlir that

Kalaymyo nitlak-saklam ah ralhrang in pukpi an kah ruangah Vaphai khawmi Pi Run Neih Kim kum 63 mi  mual a liam, tiah theih a si.

“November 21, zing nazi 11:50 hrawngah a hlan lilawn hlun kiangah pukpi pakhat a tla. A kiangih um damlo, oparetion tuahmi, lunglam tha lo cu bomb puak hngor ah a thi.

A puak ring zet khawsung a hngor thei, khui tawk in an run kap ti kan thei lo” tiah Vaphai khawmi pakhat in a sim.

Pi Run Neih Kim hi rei zet damlo in ihkhun ah a bet ringring ih CT fehtlang in bomnak sumpai an rak pe rero dah zomi khal a si. Tui’ ttum pukpi kah awn tlir ah ihkhun ih a it lai cu a pum kek ko a tlir, tiah theih a si.

A ruak cu Kalay PDF in zamrang zetin an la ih vuiliamnak an nei cih, tiah theih a si.

Zinglam ah ralhrang pawl YCW kiangah an um, khawsung ah ralthuam tum puak on vei 4 an theih thu le helicopter in Kalaymyo an hel tin tualsungmi pakhat in a sim fawn.