Rakhine ramkulh, ကျောက်တော် peng ah October 31, zan nazi 11 hrawngah ကျောက်တော်၊ ralhrang စခက (9) ihsin pukpi vei 10 lenglo an kah ruangah inn pakhat a ngah ih a sungih um nauhak kum 13 telin innsang sungtel 3 an thi, tiah tualsungmi pawl hnen ihsin theih a si.
ကျောက်တော် peng, ပီစိ khua ih ဦးစိုးဝင်း kum 45, ဒေါ်သန်းသန်းဝေ(ခ)ဒေါ်ပုကေ kum 44 le an fanu phunruk kai lai မဖြိုးဖြိုးဝေ kum 13 cu zan an ihthah laiah ralhrang pukpi kahmi in a ngah ih an thi. Cu hleiah an caw 4 khal an thi tel, tiah theih a si.
Pukpi cerek in U Soe Win le an fanu Ma Phyu Phyu Wai cu an kehlam awm ah a ngah ih an taksa pumpi in a parh hliaihliai.
Daw Than Than Wai khal a lu rori ah kah ngah a si ih a thluk tiang pawt in an innsang zaten an thi, tiah tualsungmi pawl cun an sim.
Leave a Reply