Ralhrang pawl raldo dan an zir rero laiah mipi ralkap in ralthuam tum in an kap

Ayadaw peng ih No. 10 ralhrang raldo zirnak hmun (Infantry Regiment) ah Ayadaw PDF pawl in ralthuam tum in an kap thu tuni January 12 ah Thapyay Nyo Thupthiar cangvaitu (guerrilla force) pawl in thu an suah.

Tui’ zing nazi 6 hrawngah ralhrang pawl raldo zirnak hmunah hlaral ihsin ralthuam tum pali an kah luh thu an thusuah ah an tarlang.

“Raldo zirnak hmun ahcun ralhrang bawi hlun pawl, Pyu Saw Htee le ralhrang nupi pawl raldo dan an zir rero ti kan thei ih tu vekin laksawng ah ralthuam pali kan kah luhnak a si,” tiah Thapyay Nyo thupthiar cangvaitu pawl cun an sim.

An kah hlante ah SAC ralhrang le Pyu Saw Htee pawl cu au-rinnak in thukham an au rero lai a si ih cumi an au net tiang ngaicang ta hnuah mipi ralkap lam cun ralthuam tum an kap lut fang.

Ralthuam tum an kah luh hnuah SAC ralhrang lam cun an rak kap ve ih asinan, PDF lam cu zohman siatsuahaw an um lo.

Hi ralhrang raldo zirnak hmun kaptu pawl cu သပြေညို ပြောက်ကြားတပ်ဖွဲ့, Ayadaw BoneNaing-PDF(A.B.N.PDF) ih hohanak in Knights Of The Red Land (KORL), Ayardaw Falco (AF2), ပတ္တမြားညီနောင် ပျောက်ကြားတပ်ဖွဲ့ M.R.T.Fတပ်ဖွဲ့, The Guys Of Burma Revolution Force(GBRF)၊ တမန်တော်ပြောက်ကျားတပ်ဖွဲ့ (APOSTLE) pawl an si.

Be the first to comment

Leave a Reply

Your email address will not be published.


*