Sagaing ramthen, Monywa peng, မြေနဲ le မင်းရွာ khaw karlakah mipi ralkap pawl in ralhrang mine an kam laiah bike to mi 3 in an pal puak ih hriamhma an ngah, tiah theih a si.
November 19, zinglam nazi 9 ah nunau 2 le nauhak 1 cu bike in Monywa Industrial zone lam an pan laiah မင်းရွာ khaw lamzin ah mine an pal puak, tiah tualsungmi pakhat in a rel.
“Annih hi an sungkhat hnenah tlawng ding an si. Nivah le nauhak 1 an si ih မင်းရွာ khua an thlen tikah ralhrang motor an hmu ih kirsal an tum.
Ralhrang ih kah an phan ruangah ralhrang motor hmaiah bike cak zetin an tlan. Cu zawngah mine an pal puak,” tiah mit ih hmutu mi pakhatin a rel.
Bike mawngtu မသီသီဝင်း cu a ke kehlam a kiak hleiah a pum khalah hriamhma a ngah.
Mg. Khant Aung thla 7 nauhak cu a kezaphak ah mine kekkuai a lut ih a bop khalah hriamhma a tuar.
Bike dungih phurhmi an ninu cu a liang le a kedil ah hriamhma a ngah ve,” tiah theih a si. မသီသီဝင်း le a fapate hi an dinhmun a tha lo zet, tiah an sim.
Leave a Reply