Ralhrang le palik in anmai’ mi le sa an kap sual

Shan ramkulh, Kutkai khawpi ah SAC ralhrang ralkap le palik tangkop in motor le bike check-nak an nei ih bike to mi pathum cu an din duh lo ruangah an kap, tiah theih a si.

May be an image of 5 people, people standing, tree, road and street

October 27 zan nazi 8:30 hrawngah meithat zung le sizung hmai lamzinpi ah ralhrang le palik tangkop in motor le bike dinter in check-nak an nei.

Bike pakhatih phuraw mi pathum cu an din duh lo hleiah tongkam sia in an rak hro bet ih an tlan, tiah tualsungmi pakhatin a rel.

“Mizan nazi 8:30 hrawngah sizung hmai le meithat zung hmai lamzin ah motor le bike ralhrang le palik in an check. Mino pathum tomi bike an dinter. Asinan, an ding duh lo ih an tlanzawng ah tongkam sia in an hro bet.

Ralhrang le palik cu meithal zun 15-20 karlak an kap. Bike mawngtu lawng cerek in a ngah lo ih pahnih cu a ngah,” tiah an sim.

Bike pakhatih phuraw mino pathum lakah a laiih to cu a laipawng ah an kap ngah.

Netabik to cu a kawng ah an kap ngah ih a zanzan in Lashio khawpi ralhrang sizung ah an phur, tiah a hmutu mi pakhat cun a rel.

Hi mino 3 hi pakhat cu ralhrang sakhan sungmi a si ih pakhat cu palik a si.

May be an image of 5 people, people standing, tree, road and street

Pakhat lawng tualsungmi a si ih an zaten kum 24 kiangkap hlir an si, tiah theih a si.

Be the first to comment

Leave a Reply

Your email address will not be published.


*