Ralhrang le AA kapaw lo dingin lungkimtlang

AA le SAC ralhrang kahcawlhnak tuah.

No description available.

Raldoawknak sosang zetnak hmun Rakhine ramkulh ah AA le SAC ralhrang cu thurelkhawmnak an nei ih khatlam khatlam kapaw lo dingin kahcawlhnak an tuah thei thu, November 26 ah SAC ralhrang thuphuangtu Zaw Min Tun cun BBC hnenah a sim.

Hi kahcawlhnak thu ah ziangvek tiang fehpi vivo an tum, timi cu cipciar in tlangthan a si lo ih Rakhine ramkulh ih peng 7 le Chin ramkulh Paletwa peng sungah doaw nawn lo dingin an relrem thei, tiah theih a si.

AA cun tuvekin SAC ralhrang thawn kahcawlhnak an tuahnak san hi Rakhine ramkulh sung mipi zawnruahnak ruangah a si, tiah Khaing Thu Kha cun a sim.

“Atu fang hi Rakhine ram ah lorawl khawm laitak a si ruangah mipi zawn kan ruat ih kahcawlhnak kan tuahmi a si. Cu lo, thil danglam ciamco a um lo.

Kan hmuitinmi ramthukhel lamzin cu a kel tthiamtthiam ko,” tiah AA thuphuangtu U Khaing Thu Kha cun a sim.

Kahcawlhnak hi ziangtik tiang fehpi a si ding, timi khal a rel thei hrih lo thu, boruak tlak dan ihzir in fehpi a si ding thu, a sim fawn.

No description available.

SAC ralhrang cun November 11 ah AA thawn kahcawlhnak tuah thei zo in a rel nan, atu khalah lamzin phunphun ihsin harsatnak a pe rero, tiah theih a si.

Be the first to comment

Leave a Reply

Your email address will not be published.


*