Ralhrang lakah buainak a suak, Battalion commander telin ralbawi 3 an kai

SAC ralhrang ခမရ 405 sungah buainak a suak ih Battalion commander Lt. Col. Hlaing Min Htut telin ralhrang bawi 3 an kai.

KNU Brigade 5 luah ram, Karen ramkulh, Phapon pengpi sungih ralhhrang No. 405, ke ralkap (ခမရ -405) sungah December 14 ah buainak a suak.

ခမရ -405 hi ralhrang စကခ-8 kuttang ih um a si ih စကခ-8 Brigadier Aye Min Oo cun ခမရ -405 ih ralhrang pawl cu မဲဝိုင် sakhan lamah feh dingin thu a pe. Cutikah ခမရ -405 ih Battalion Commander Lt. Col. Hlaing Min Htut le a ho pawl in duh loin an rak el.

Cuti thupek an thlun duh lo ruangah Lt. Col. Hlaing Min Hlut ih hotu ralhrang pawl cu hmundang ih ralhrang 100 lengloin an ra kulh ih Lt. Col. Hlaing Min Hlut telin a kuttang ralbawi 2 thawn December 14 ah an kai.

Tlunlam thupek elkalh ruangih an kaihmi pawl cu ခမရ -405 Battalion Commander Lt. Col. Hlaing Min Htut, Deputy commander Major ၀ဏ္ဏ le Major pakhat an si, tiah theih a si.

ခမရ -405 Battalion hotu pawl an kaih ruangah an Battalion pumpi a tlaksiat lonak dingin စကခ-8 ih milai pawl in an uk hrih, tiah an sim.

An kaihmi pawl hi ralkap daan vekin headquater lamah fehpi an si dingih hremnak khungkhai zet an pe ding, tiah ralkap thuhla theih zettu pakhat in a rel.

“Ralkap daan ah ralram ahhin thupek thlun duh lo asile ralkap rank nei fangfang pawl cu an that men. Rank sang deuh pawl lawngte an sinak an hlihsak. Midang in an thu an cawn lonak dingah annih 3 hi hmuhsaknak ah khungkhai nawn ih an hrem ka zum,” tiah ralkap tuan hlun pakhat in a rel.

December 6 khalah KNU Brigade 5 luah ram, Phapon pengpi sung, SAC ralhrang ih မဲသလွတ် sakhan cu KNLA le PDF tangrual in an nuai ih Battalion Deputy commander telin an sakhan pumpi’n an tlanhlo thluh.

Sakhan tlanhlohsantu Majoy Than Naing Aye cu ralhrang in an hawl ih an kaisal. Mai sakhan rori tlanhlohsan thubuai le tuanvo hlensuak ngam lo, ttihhrut thubuai in an hrem, tiah theih a s

Be the first to comment

Leave a Reply

Your email address will not be published.


*